વૈજ્ઞાનિક કારણો આપો:
$(1)$ $C_4$ વનસ્પતિઓની ઉત્પાદકતા $C_3$ વનસ્પતિઓ કરતા વધારે હોય છે.
$(2)$ કેલ્વિન ચક્ર છ વખત ચાલવું આવશ્યક છે.

(N/A) $(1)$ $C_4$ પથમાં પુલકંચુક (bundle sheath) કોષોના હરિતકણમાં $CO_2$ ની સાંદ્રતા સતત વધતી રહે છે. આ કોષોમાં કાર્બન સ્થાપનની જૈવસંશ્લેષણીય પ્રક્રિયા થતી હોવાથી,વધુ $CO_2$ પ્રાપ્ત થાય છે અને વધુ કાર્બોદિતનું નિર્માણ થાય છે.
વધુમાં,ક્રેન્ઝ (Kranz) પેશીની રચના મધ્યપર્ણ કોષોની પ્રકાશ પ્રક્રિયામાં ઉત્પન્ન થતા $O_2$ ને પુલકંચુક કોષોમાં પ્રવેશતા અટકાવે છે. તેથી,પ્રકાશશ્વસન (photorespiration) થવાની શક્યતા રહેતી નથી. આમ,$C_4$ પથની ઉત્પાદકતા $C_3$ પથ કરતા વધારે હોય છે.
$(2)$ પ્રકાશ પ્રક્રિયાના અંતે ઉત્પન્ન થતા $ATP$ અને $NADPH$ નો ઉપયોગ જૈવસંશ્લેષણીય તબક્કામાં થાય છે. $CO_2$ એ $RuBP$ અણુ સાથે જોડાઈને $PGA$ બનાવે છે. જો આ ચક્ર છ વખત ચાલે,તો $6$ અણુ $RuBP$ એ $6$ અણુ $CO_2$ સાથે જોડાઈને રિડક્શન દરમિયાન $12$ અણુ $PGAL$ બનાવે છે. તેમાંથી બે અણુ $PGAL$ ગ્લુકોઝના એક અણુના નિર્માણમાં વપરાય છે અને બાકીના $10$ અણુ $PGAL$ પુનઃસર્જન દ્વારા ફરીથી $6$ અણુ $RuBP$ બનાવે છે. આમ,ચક્ર ચાલુ રહે છે,જેના દ્વારા વાતાવરણમાંથી $CO_2$ મેળવીને અંતે ગ્લુકોઝનું નિર્માણ થાય છે.